Дар анҷумани пешазинтихоботии Ҳизби сотсиалистии Тоҷикистон (ҲСТ), ки ахири ҳафтаи гузашта дар Душанбе доир гардид, аз ҳавзаи ягонаи умумиҷумҳуриявӣ 7 нафар номзадҳо ба вакилӣ дар палатаи поёнии парлумон пешбарӣ шуданд.

Тавре раиси ҲСТ Абдуҳалим Ғаффоров дар ин робита хабар дод, дар садри рӯйхати ҳизбӣ худи ӯ қарор дошта, ба рӯйхат ҳамчунин директори мактаби таҳсилоти умумии №88-и шаҳри Душанбе Ниёз Ҷумъаев, номзади илмҳои педагогӣ Зариф Наимов, ҳуқуқшинос Мавҷуда Раҷабова, академик Иззатулло Ғаниев, корманди Кумитаи амволи давлатӣ Маъруфхӯҷа Юсуфов ва тоҷир Фаррух Боқиев низ шомиланд.

Ба гуфтаи Ғаффоров, ҲСТ ҳамчунин ният дорад, ки аз ҳавзаҳои интихоботии якмандатӣ низо 10 номзадҳои ҳизбро ба вакилӣ дар палатаи поёнии парлумон пешбарӣ намояд.