Комиссияи марказии интихобот ва раъйпурсии Тоҷикистон санаи 26-уми январ ҳайати нозирон аз кишварҳои узви Ассамблеяи байнипарлумонии Иттиҳоди Давлатҳои Мустақил (АБП ИДМ)-ро дар интихоботи парлумонии Тоҷикистон расман ба қайд гирифт.

Роҳбари дастгоҳи КМИР Тоҷикистон Абдуманнон Додозода ба «Азия-Плюс» дар ин робита иттилоъ дод, ки ин ҳайати иборат аз 15 нафар нозиронро дабири кулли АБП ИДМ Алексей Сергеев роҳбарӣ мекунад.

Зимнан зикр гардид, ки ба ҳайати мазкур ҳамчунин муовини дабири кулли АБП ИДМ Ион Липчигу, директори Пажуҳишгоҳи байнулмилалии мониторинги рушд ва демократия, парламентаризм ва риояи ҳуқуқҳои интихоботии шаҳрвандони кишварҳои узви АБП ИДМ Андрей Баранов низ шомиланд.