Рӯзҳои 10 – 12 марти соли 2015 дар Душанбе миёни ҳайатҳои кишварҳои Осиёи Марказӣ ва Хадамоти амалиёти хориҷии Иттиҳоди Аврупо (ИА) Муколамаи сатҳи баланд оид ба амният байни Иттиҳоди Аврупо ва Осиёи Марказӣ доир мегардад.

Бино ба иттилои Вазорати корҳои хориҷии ҶТ, баҳри иштирок дар ин чорабинӣ ҳайатҳои кишварҳои Осиёи Марказӣ ва хадамоти амалиёти хориҷии кишварҳои Иттиҳоди Аврупо ташриф меоранд.

Ба иттилои манбаъ, дар доираи ин муколама ҷонибҳо масъалаҳои марбут ба таҳкими амният дар минтақаи Осиёи Марказӣ, аз ҷумла муқовимат ба афзоиши ифротгароӣ ва тундгароӣ дар минтақаро баррасӣ мекунанд.

Гуфта мешавад, ҳамчунин дар доираи ин чорабинӣ таҳияи созишномаҳои мушаххас ва ташаббусҳо барои таъмини сулҳу субот дар минтақа низ дар назар аст.