Президенти Тоҷикистон Эмомалӣ Раҳмон ба Президенти Ҷумҳурии Қазоқистон Нурсултон Назарбоев ба муносибати ба мансаби олии Президенти ин кишвар такроран интихоб шуданаш барқияи табрикӣ ирсол намуд.

Бино ба иттилои хадамоти матбуоти сарвари давлат, дар барқияи табрикии Эмомалӣ Раҳмон аз ҷумла зикр мегардад, ки «халқи Қазоқистон бо изҳори ризоияти худ пуштибонии васею бешубҳаи сиёсати созандагии Шуморо ба манзури шукуфоии кишвар, дар арсаи ҷаҳон бемайлон баланд бардоштани обрӯи он ва беҳбудии халқи он ба тамоми ҷаҳон намоиш додва муваққиятҳое, ки дар ин ҷода ба даст омадаанд, бо номи Шумо зич алоқаманданд».

«Қаноатмандии худро аз рушди ҳамкории мутақобилан муфиди Тоҷикистону Қазоқистон иброз дошта, аминам, ки Шумо минбаъд ҳам ба рушду густариши ҳамкории байни мамлакату халқҳоямон мусоидат мекунед. Мо аз ҷониби худ барои таҳкими минбаъдаи муносибатҳои дӯстонаи байни ҳар ду давлат ҳамаи чораҳои заруриро мебинем», - омадааст дар барқияи сарвари давлати Тоҷикистон.

Ёдрас мекунем, ки бино ба маълумоти пешакии Комиссияи марказии интихоботи Қазоқистон, дар маъракаи интихоботи ғайринавбатии президентӣ дар ин кишвар, президенти амалкунандаи Қазоқистон Нурсултон Назароев бо касби 97,7%-и овозҳо пирӯзӣ ба даст овард.