Вазири корҳои хориҷии Ҷумҳурии Тоҷикистон Сироҷидин Аслов рӯзи 26 январи соли 2016 сафири нави Иёлоти Муттаҳидаи Амрико дар Ҷумҳурии Тоҷикистон Элизабет Инга Миллардро ба муносибати супоридани нусхаҳои эътимодномаҳо ба ҳузур пазируфт.

Бино ба иттилои Вазорати корҳои хориҷии ҷумҳурӣ, зимни дидор ҷонибҳо дурнамои ҳамкориҳои Тоҷикистону ИМА-ро мавриди баррасӣ қарор доданд.

Гуфта мешавад, инчунин оид ба масъалаи ҳамкории минтақавӣ ва таъмини амният дар манотиқи сарҳадӣ миёни Тоҷикистону Афғонистон ва кӯмаки ШМА дар ин самт мубодилаи афкор сурат гирифт.

Дар вазифаи сафири Вашингтон дар Душанбе Элизабет Инга Миллард Сюзан Эллиотро иваз кард.

Бино ба маълумоти сафорати ИМА дар ҶТ, сафири навинтихоби ИМА дар Тоҷикистон хонум Элизабет И. Миллард баъди адои савганд, ки маросими он 14-уми декабри соли 2016 дар Вашингтон (округи Колумбия) баргузор гардид, барои иҷрои вазифаи мазкур чанде қабл ба Душанбе ташриф овард.