Дар Вазорати корҳои хориҷии Тоҷикистон рӯзи 26 апрел мулоқоти муовини вазири корҳои хориҷии ҶТ Маҳмадшариф Ҳақдод бо сафири Русия дар Тоҷикистон И.С.Лякин-Фролов доир гардид.

Бино ба иттилои Вазорати корҳои хориҷии ҷумҳурӣ, дар рафти мулоқот  ҷонибҳо сатҳи муносибатҳои миёни Тоҷикистону Русияро дар ҳамаи соҳаҳои ҳамкорӣ қаноатбахш арзёбӣ намуда, ҳамчунин дар фазои анъанавии эътимоду созанда доираи васеи масоили марбут ба рушду таҳкими минбаъдаи ҳамкориҳои дуҷониба баррасӣ гардид.

Гуфта мешавад, ҳамин рӯз муовини вазири корҳои хориҷии Тоҷикистон Музаффар Ҳусейнов бо кордори Япония дар Тоҷикистон Такаши Камада дидору гуфтушунид карда, зимни суҳбат ҷонибҳо масъалаҳои мубрами рӯзномаи дуҷонибаи Тоҷикистону баррасӣ ва оид ба масъалаҳои минтақавию байналмилалии мавриди таваҷҷуҳи тарафайн мубодилаи афкор намуданд.