Муовини аввали сарвазири Тоҷикистон Давлаталӣ Саид имрӯз бо сафири ИМА дар Тоҷикистон Элизабет Миллард дидору гуфтушунид кард.

Тавре ба «Азия-Плюс» як манбаъ аз ҳукумати ҷумҳурӣ дар ин робита иттилоъ дод, зимни вохӯрӣ масоили ҳамкориҳои Душанбе ва Вашингтон дар соҳаҳои иқтисоду молия, сармоягузорӣ ва ҳамчунин кумаки моливу техникӣ ба Тоҷикистон баррасӣ шуданд.

Бино ба иттилои манбаъ, дар ҷараёни мулоқот ҷонибҳо ҳамчунин атрофи густариши муносибатҳои дуҷониба дар доираи созмонҳои байнулмилаливу минтақавӣ табодули назар карданд.