Дар қароргоҳи сафири Иттиҳоди Аврупо (ИА) дар Тоҷикистон Хидайет Бишчевич ба муносибати Рӯзи ҷаҳонии озодии матбуот бо журналистон мулоқот доир гардид.

Зимни вохӯрӣ ҷаноби Бишчевич изҳор намуд, ки озодии матбуоту эътиқод барои кишварҳои Иттиҳоди Аврупо масъалаи муҳими демократия ба шумор меравад. «Ин барои Тоҷикистон, ки ҳукумат барои дарёфти тавозун миёни суботу озодии сухан талош меварзад, низ хеле муҳим аст», - иброз дошт ӯ.

Ӯ зикр кард, ки Иттиҳоди Аврупо барои рушди иқтисоди ҷумҳурӣ кумак карланист, вале ҷорӣ шудани маҳдудиятҳо дар самти риояи ҳуқуқу озодиҳои иносон метавонанд ба ин монеъа шаванд, зеро зимни баррасии лоиҳаҳои кумакҳои гуногунҷанба ба Тоҷикистон дар Парлумони Аврупо, нисбат ба ин масъалаҳо саволҳо пайдо шуда метавонанд.

«Албатта, аз бад шудани вазъи озодии баён дар Тоҷикистон мо хуб огаҳӣ дорем. Дар ҳама гуна вохӯриҳо бо намояндагони ҳукумат масоили озодии ВАО ба миён гузошта мешаванд. Аз ин рӯ, дар чунин шароити бад шудани вазъ дар ин самт ояндаи наздик баргузор намудани муколамаи сатҳи баланд дар Душанбе дар назар аст», - афзуд дипломати аврупоӣ.