Вазири корҳои хориҷии Русия Сергей Лавров зимни боздид аз пойгоҳи низомии 201-уми кишвараш дар Тоҷикистон рӯзи душанбеи ҳамин ҳафта изҳор дошт, ки Маскав умедвор аст, ки Душанбе ба зудӣ манфиатҳои пайвастанро ба Иттиҳоди иқтисодии АвруОсиё (ИИАО, ЕАЭС) барои худаш муайян хоҳад кард. Матни суханронии ӯ дар сомонаи Вазорати корҳои хориҷии Русия нашр шудааст.
“Мо умедворем, ки мизбонони тоҷики шумо, ки аз ин қаламрави меҳмоннавоз намояндагӣ мекунанд, ба наздикӣ дар ниҳояти кор манфиатҳои пайвастан ба ИИАО-ро барои худ муайян мекунанд. Рӯйи ин одамон кор карда, механизми махсуси машваратҳо амал мекунад. Ва албатта, мо дар СММ ба кор идома медиҳем”, - иброз доштааст ӯ зимни муроҷиат ба хидматчиёни ҳарбӣ.
Ӯ илова намудааст, ки СҲШ, СААД, ИДМ ва ИИАО як намунаи нави тарҳи таъмини амният ва рушди ҳамкорӣ дар ҷаҳон мебошад.
Вазири корҳои хориҷии Русия Сергей Лавров шоми дирӯз бо сафари расмӣ ба Тоҷикистон омад. Имрӯз дидору гуфтушунидҳои ӯ бо президенти Тоҷикистон Эмомалӣ Раҳмон ва ҳамтои тоҷикаш Сироҷиддин Муҳриддин дар назар аст.
Тавре ки хабаргузории ТАСС иттилоъ медиҳад, дар вохӯриҳо масоили таъмини амният дар минтақа ва таҳдтду чолишҳо аз Афғонистон, фаъолнокии низомӣ-биологии ИМА дар паҳнои ИДМ, инчунин ҳалли мушкили марз байни Тоҷикистону Қирғизистон баррасӣ мешавад.
Тавре ки қаблан сафорати Русия дар Тоҷикистон хабар дода буд, зимни вохӯриҳо баррасии масоили муҳими муносибатҳои дуҷониба, дурнамои рушди ҳамкориҳои сиёсиву иқтисодӣ, тиҷоратӣ ва гуманитарии Маскаву Душанбе низ ба нақша гирифта шудааст.
Зикр шуда буд, ки ба масъалаи густариши минбаъдаи ҳамоҳангсозиии амал байни Русия ва Тоҷикистон дар майдонҳои асосии бисёрҷониба бо шумули СААД, ИДМ, СҲШ, инчунин СММ, САҲА ва Машварати ҳамкорӣ ва тадбирҳои боварӣ дар Осиё (МҲТБО) таваҷҷуҳи хосса зоҳир хоҳад шуд.
“Воридот ва фурӯши сатру либоси сиёҳ манъ аст”. Ин ба кори фурӯшандагон чӣ гуна таъсир мерасонад?
Бар зидди писари раиси бозори Ёвон парвандаи ҷиноӣ боз карданд. Ҷузъиёти кордзании хонандагон
Боришот зиёдтар мешавад: обуҳавои моҳи июн дар Тоҷикистон
“Худам шоҳу табъам вазир?”. Мансабдороне, ки парвои интиқод надоранд
Эмомалӣ Раҳмон аз фориғболиву бемасъулиятии роҳбарони муассисаҳо, роҳбарони илмӣ ва докторантҳо гуфт
КОА беасос будани фошкориҳои “Диссернет”-ро собит накард. Интиқоди дубора ва шадиди Эмомалӣ Раҳмон аз асардуздии олимони тоҷик
Боз як ширкати Чин дар МОИ “Панҷ” неругоҳи барқи офтобӣ месозад
Таҳқиқи суқути чархболи Иброҳим Раисӣ. Мақомоти Эрон гузориши дуввуми худро нашр карданд
Чанд нафар ҷудокорони тоҷик ба Олимпиадаи Париж мераванд?
Дар семоҳаи аввали соли 2024 ҳудуди 22 ҳазор хориҷиён аз Русия хориҷ шуданд
Кулли ахбор
Авторизуйтесь, пожалуйста