Эмомалӣ Раҳмон, раиси ҷумҳури Тоҷикистон, як моҳи пас бо сафари давлатӣ ба Озарбойҷон меравад ва ҷараёни сафари ӯ ҳоло баррасӣ шуда истодааст. Дар ин бора Вазорати корҳои хориҷаи Тоҷикистон хабар медиҳад.

Ба иттилои манбаъ, Сироҷиддин Муҳриддин, вазири корҳои хориҷии Тоҷикистон рӯзи 12-уми апрел дар шаҳри Минск бо Ҷейҳун Байрамов, вазири корҳои хориҷии Озарбойҷон мулоқот анҷом дод.

Сироҷиддин Муҳриддин дар ин мулоқот масоили омодагӣ ба сафари давлатии Эмомалӣ Раҳмон, раиси ҷумҳури Тоҷикистон ба Озарбойҷонро баррасӣ кард.

“Ин сафар дар даҳрӯзаи сеюми моҳи май дар назар аст”, - менависад ВКХ.

Ғайр аз ин, дар ҷараёни ин сафар Рӯзҳои фарҳангии Тоҷикистон дар Озарбойҷон, Рӯзҳои синамои тоҷик ва Анҷумани соҳибкорони Тоҷикистону Озарбойҷон баргузор мешаванд.

ВКХ Тоҷикистон хабар медиҳад, ки ин чорабиниҳо дар даҳаи дуюми моҳи май пешбинӣ шудааст.

Вазирони корҳои хориҷии Тоҷикистону Озарбойҷон дар ин бора ҳам табодули назар кардаанд.

Дар Telegram, Facebook, Instagram, OK ва ВК бо мо бимонед.