Вазири корҳои хориҷии Тоҷикистон Сироҷиддин Муҳриддин рӯзи 2 май сафири ИМА дар Тоҷикистон Мануэл Микаллерро ба ҳузур пазируфт.

Тавре ки дар сомонаи ВКХ Тоҷикистон хабар дода мешавад, зимни мулоқот ҷонибҳо масоили мубрами муносибатҳои дуҷонибаро баррасӣ намуданд.

“Ҷонибҳо ба сатҳу мундариҷаи равобити гуногунҷанба дар руҳияи дӯстию шарокати дарозмуддат баҳои баланд доданд”, - омадааст дар хабари Вазорат.

Гуфта мешавад, дар ҷараёни мулоқот масоили таҳкими муколамаи сиёсӣ ва амну суботи минтақавӣ, густариши ҳамкориҳои Тоҷикистону ШМА дар соҳаҳои иқтисодиву иҷтимоӣ, сармоягузорӣ ва гуманитарӣ дар меҳвари гуфтугӯ қарор доштанд.

Ба иттилои манбаъ, инчунин мусоҳибон ба пешбурди тамосу музокироти созанда дар сиғаи “С5+1” таваҷҷуҳ зоҳир карданд.

Дар Telegram, Facebook, Instagram, OK ва ВК бо мо бимонед.