Эмомалӣ Раҳмон, раиси ҷумҳури Тоҷикистон имрӯз, 8-уми май, баъди гулчамбаргузорӣ дар “Боғи Ғалаба”-и Душанбе ба ифтихори Рӯзи Ғалаба бо як “боздиди корӣ” ба Русия сафар кард. Дар ин бора Хадамоти матбуотии президенти кишвар хабар медиҳад.
Манбаъ гуфт, дар ин сафар раиси ҷумҳурро вазири корҳои хориҷӣ, ёрдамчии президенти Тоҷикистон оид ба масъалаҳои робитаҳои хориҷӣ ва дигар шахсони расмӣ ҳамроҳӣ мекунанд.
“Дар назар аст, ки дар рафти ин сафар Сарвари давлат дар чорабиниҳои тантанавӣ бахшида ба 79-умин солгарди Рӯзи Ғалаба ва мулоқоти ғайрирасмии сарони кишварҳои Иттиҳоди Давлатҳои Мустақил иштирок хоҳанд кард”, - хабар медиҳад хадамоти матбуоти президент.
Зимнан, субҳи имрӯз, 8-уми май Эмомалӣ Раҳмон ҳамроҳи Рустами Эмомалӣ, шаҳрдори Душанбе ва раиси Маҷлиси миллии Маҷлиси Олӣ ба ифтихори 79-солагии Рӯзи Ғалаба дар “Боғи Ғалаба”-и пойтахт ба поси хотираи афсарону сарбозон ва ҳамаи онҳое, ки дар ҷанг ҷони худро нисор кардаанд, дар назди “Оташи ҷовидон” гулчанбар гузоштанд.
Баъди анҷоми гулчанбаргузорӣ Эмомалӣ Раҳмон ва Рустами Эмомалӣ “Муҷассамаи ғалаба”-ро баъди интиқоли он ба боғи Ғалаба ва навсозиаш ифтитоҳ карданд.
Дар маросими ифтитоҳи маҷмаа ҳайати расмии Русия бо роҳбарии муовини раиси Думаи давлатии Маҷлиси федералии Федератсияи Русия Кара-Оол Шолбан иштирок карданд.
Бодя гуфт, ки Эмомалӣ Раҳмонро ба Русия раиси ҷумҳури ин кишвар Владимир Путин даъват кард. Ва ин сафар замоне иттифоқ меафтад, ки муносибати мақомоти Русия бо шаҳрвандони Тоҷикистон шадидан сард шудааст. Дар пайи ин мақомоти Тоҷикистон эътирози худро ба мақомоти Русия расман изҳор намуданд.
Эмомалӣ Раҳмон ва Владимир Путин ҳам рӯзи 3-юми май, дар пайи норозигии Тоҷикистон оид ба боздошту ихроҷи муҳоҷирон аз Русия суҳбати телефонӣ карданд. Зимни суҳбат онҳо ҳамкориҳоро дар бахши муҳоҷирати корӣ баррасӣ карданд.
Он замон ВКХ Русия фишорҳо болои муҳоҷиронро чораи пешгирии амалҳои террористӣ ба шаҳрвандони хориҷӣ навобаста ба миллат ва дин унвон карда буд, вале ҷониби Тоҷикистон гуфта буд, ки чунин амал танҳо муқобили шаҳрвандони Тоҷикистон сурат гирифта истодааст.
Ҳамлаи террористӣ дар "Крокус Сити Ҳолл"-и Маскав рӯзи 22 март тақрибан соати 20:00 рух дод. Ҳамлагарон ба сӯйи ғайринизомиён дар бино оташ кушода, толори мусиқиро оташ заданд ва фирор карданд. Бар асари ин ҳамла беш аз 140 нафар кушта ва садҳо нафар маҷрӯҳ шуданд.
Чаҳор шаҳрванди Точикистон ҳамчун гумонбари бевоситаи ҳамла ва чанд нафари дигар ҳамчун шарик ба ҳабси пешакӣ гирифта шудаанд. Баъди ҳамлаи террористӣ фишор болои муҳоҷирони тоҷик аз ҷониби мақомоти Русия ва бегонаситезӣ аз сӯйи афроди алоҳида бештар шуд.
Ҷониби Тоҷикистон дар пайи фишорҳои ахир болои шаҳрвандонаш дар Русия чандин бор изҳори нигаронӣ кард ва ба сафири ин кишвар дар Тоҷикистон нотаи эътирозӣ супорид.
“Худам шоҳу табъам вазир?”. Мансабдороне, ки парвои интиқод надоранд
Эмомалӣ Раҳмон аз фориғболиву бемасъулиятии роҳбарони муассисаҳо, роҳбарони илмӣ ва докторантҳо гуфт
КОА беасос будани фошкориҳои “Диссернет”-ро собит накард. Интиқоди дубора ва шадиди Эмомалӣ Раҳмон аз асардуздии олимони тоҷик
Боз як ширкати Чин дар МОИ “Панҷ” неругоҳи барқи офтобӣ месозад
Таҳқиқи суқути чархболи Иброҳим Раисӣ. Мақомоти Эрон гузориши дуввуми худро нашр карданд
Чанд нафар ҷудокорони тоҷик ба Олимпиадаи Париж мераванд?
Дар семоҳаи аввали соли 2024 ҳудуди 22 ҳазор хориҷиён аз Русия хориҷ шуданд
Эъдоми қариб 1200 кас дар 16 кишвари ҷаҳон
Дар як кӯчаи Душанбе ҳаракати нақлиёт барои се моҳ маҳдуд мешавад
Баъди танқиди раиси Бохтар ду масъули маркази дилхушӣ 5 шабонарӯз ҳабс шуданд
Кулли ахбор
Авторизуйтесь, пожалуйста