Тоҷикистон тасдиқ кард, ки имрӯз, 13-уми март, дар ҷараёни сафари давлатии Эмомалӣ Раҳмон ба Қирғизистон роҳбарони ду давлат созишномаи ниҳоӣ дар бораи сарҳади давлатии Тоҷикистон ва Қирғизистонро имзо мекунанд.
Тибқи иттилои Хадамоти матбуоти раиси ҷумҳури кишвар, санади мазкурро Эмомалӣ Раҳмон, раиси ҷумҳури Тоҷикистон ва Содир Жапаров, раиси ҷумҳури Қирғизистон имзо мекунанд.
“Дар назар аст, ки аз рӯйи натиҷаҳои музокироти сатҳи олӣ шумораи зиёди санадҳои нави ҳамкорӣ, аз ҷумла ҳуҷҷати муҳими таърихӣ – Шартнома байни Ҷумҳурии Тоҷикистон ва Ҷумҳурии Қирғизистон дар бораи сарҳади давлатӣ ба имзо расад”,- хабар додааст хадамоти матбуоти Эмомалӣ Раҳмон.
Эмомалӣ Раҳмон бо як сафари давлатӣ дар Қирғизистон қарор дорад ва ин сафар ду рӯз идома меёбад.
Ёдрас мешавем, ки рӯзи 21-уми феврали соли равон Саймумин Ятимов ва Қамчибек Тошиев, раисони кумитаҳои давлатии амнияти миллии Тоҷикистону Қирғизистон дар шаҳри Бишкек созишномаи байниҳукуматии таъини хати марзи ду кишарро имзо карданд.
Қамчибек Тошиев, рӯзи 27-уми феврал, дар ҷаласаи парлумони Қирғизистон ҷузъиёти ин созишномаро шарҳ дод. Ӯ аз ҷумла гуфт, ки “муҳри махфӣ” ё “барои истифодаи хидматӣ” аз созишнома бардошта шуд ва дар идома муфассал дар бораи табодули қитъаҳои замин, ки дар асоси созишнома ба даст омад, маълумот дод.
Аммо ҷониби Тоҷикистон то ҳол дар бораи ҷузъиёти он изҳори назар накардааст.
Саймумин Ятимов: Масъалаи марз ба манфиати ҳарду кишвар ҳал шуд
Дар ҳамин ҳол, Саймумин Ятимов, раиси Кумитаи давлатии амнияти миллии Тоҷикистон (КДАМ) дар шарҳи имзои созишномаи марзӣ гуфтааст, ки масъалаи марзи Тоҷикистону Қирғизистон ба манфиати ҳарду кишвар ҳал гардид.

Ӯ дар ин бора бо хабаргузории "АКИ press" суҳбат карда, афзудааст, ки интиқод дар ин маврид як амри маъмулӣ аст.
“Дар Тоҷикистон низ моро дар ин масъала интиқод мекунанд. Аммо ин муҳим нест. Муҳим он аст, ки ба манфиати ҳарду давлат ҳал шуданд. Акнун муносибатҳо бародарона ва таърихӣ хоҳанд буд. Муносибатҳо минбаъд бояд мисли бародарони ҳақиқӣ бошанд. Масъалаи кушодани ҳамаи гузаргоҳҳои марзӣ ба таври усулӣ ҳал шудааст. Расман ду гузаргоҳ боз мешавад, сипас марҳала ба марҳала дигар гузаргоҳҳо кушода мешаванд”, - гуфтааст ӯ.
Зимнан, шоми дирӯз, 12-уми март Эмомалӣ Раҳмон дар доираи сафари давлатӣ дар Қирғизистон ба Боғи миллии “Ала Арча” дидан кард.
Эмомалӣ Раҳмон ва Садир Жапаров аз боғи миллӣ ва намоиши фарҳангӣ, ки ба хотири ташрифи президенти Тоҷикистон баргузор гардид, боздид намуданд.
Бояд гуфт, ки имрӯз ҳамчунин, ду гузаргоҳи марзи байни Тоҷикистон ва Қирғизистон, ки қариб 4 сол ба ин сӯ баста буд, боз мешавад.
Дар ифтитоҳи расмии гузаргоҳҳои марзӣ Эмомалӣ Раҳмон ва Содир Жапаров ба таври онлайнӣ ширкат мекунанд.
Таркиш дар як бандари Эрон. Расонаҳо аз 4 кушта ва беш аз 500 захмӣ хабар медиҳанд
Русия бори аввал эътироф кард, ки дар Курск низомиёни Куриёи Шимолӣ меҷанганд
Медали нуқраи Сомон Маҳмадбеков ва биринҷии Абубакр Шеров. Натиҷаи рӯзи дуюми мусобиқоти қаҳрамонии ҷудои Осиё
Қаҳрамонии як тоҷик дар Маскав. Ӯ сӯхтори мошинро хомӯш кардааст
Дар Душанбе ва Хатлон сохтмонҳои "худсарона сохта"-ро тахриб мекунанд. Қонунгузорӣ дар ин бора чӣ мегӯяд?
Қоҳир Расулзода дар Маскав бо Михаил Мишустин ҳамкории тиҷоратии Тоҷикистону Русияро баррасӣ кард
Филми “Сарчашма” аз Тоҷикистон дар Қирғизистон соҳиби ҷоизаи “Таваҷҷуҳи тамошобин” шуд
Аз 1 май меъёри аксиз барои бензину газ боло меравад. Ин ба нархи маҳсулот ва хидматрасониҳо чӣ таъсир мерасонад?
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 26 апрели соли 2025
Чаро дарахтони гаронарзиши магнолия дар Хуҷанд “хушкшуда” метобанд?
Кулли ахбор
Авторизуйтесь, пожалуйста