Дабири кулли Созмони Милали Муттаҳид Антониу Гутерриш созишномаи аз ҷониби сарони давлатҳои Тоҷикистону Қирғизистон имзошударо дар бораи сарҳади давлатӣ самимона шодбош гуфт. Тавре ки хадамоти матбуоти СММ хабар медиҳад, табрикот дар изҳорот аз номи роҳбари Созмон зикр шудааст.

Антониу Гутерриш ҳарду кишварро бо ин дастоварди таърихӣ табрик гуфта, роҳбарӣ, ҷасорат ва иродаи сиёсии онҳоро дар анҷоми муваффақонаи раванди чандинсолаи гуфтушунид баланд арзёбӣ кард.

Бино ба изҳороти Созмон, дабири кулл ба ҳамкории мутақобилаи созанда байни кишварҳо ба хотири таҳкими эътимоди дуҷониба, муносибатҳои неки ҳамҷаворӣ ва таъмини сулҳу озодӣ барои мардуми кишварҳо ва дар маҷмӯъ минтақа изҳори умедворӣ кард.

Ёдрас мекунем, ки рӯзи 13 март сарони кишварҳои Тоҷикистону Қирғизистон Эмомалӣ Раҳмон ва Садир Жапаров Шартнома дар бораи сарҳади давлатиро ба имзо расониданд.

Дар сарҳади Тоҷикистону Қирғизистон фаъолияти ду гузаргоҳи марзӣ, ки аз соли 2021 қатъ гардида буд, дубора барқарор шуд. Аз 14 март ҳамчунин хатсайрҳои ҳавоӣ байни шаҳрҳои Хуҷанду Душанбе бо Бишкек роҳандозӣ мешаванд.

Дар Telegram, Facebook ва Instagram бо мо бимонед.