Душанбе. 26-уми июни с.2008. ОИ «Азия-Плюс» - Пагоҳ, 27-уми июн дар саросари ҷумҳурӣ Рӯзи ваҳдати миллӣ ҷашн гирифта мешавад.

Аз дафтари матбуоти сарвари давлат ба ОИ «Азия-Плюс» хабар доданд, ки соли ҷорӣ чорабиниҳои асосии таҷлили ин ҷашн дар маркази вилояти Хатлон – шаҳри Қӯрғонтеппа баргузор мегарданд ва дар онҳо президенти ҶТ Эмомалӣ Раҳмон иштирок мекунад.

Ёдрас мекунем, ки Рӯзи ваҳдати миллӣ дар Тоҷикистон ба ифтихори ба имзо расидани Созишномаи ваҳдати миллӣ ва истиқрори сулҳ ҷашн гирифта мешавад. Созишнома 27-уми июни соли 1997 дар Маскав аз ҷониби ҳукумати расмии ҶТ ва роҳбарони собиқ Иттиҳоди нерӯҳои мухолифини тоҷик ба имзо расида буд.