Душанбе. 5-уми феврал. ОИ «Азия-Плюс» - Дар нишасти ғайринавбатии сарони кишварҳои узви Иттиҳоди иқтисодии АвруОсиё дар бораи таъсиси Фонди зидди бӯҳронӣ дар ҳаҷми 10 млрд. $ ва Маркази технологияи олӣ қарор қабул карда шуд.

Тибқи иттилои сомонаи kremlin . ru , саҳми Русия дар фонди мазкур ба 7,5 млрд. $ ва Қазоқистон ба 1 млд. $ баробар аст. «Кишварҳои дигари узви иттиҳод – Белорус, Қирғизистон ва Тоҷикистон дар муддати як моҳ ҳаҷми ҳиссаи худро ба фонд муайян хоҳанд кард», - хабар дода мешавад дар сомона.