Душанбе. 27-уми март. ОИ «Азия-Плюс» - Роҳбари дастгоҳи Комисссияи марказии интихобот ва райъпурсии ҶТ Муҳибулло Додоҷонов дар мусоҳиба бо хабарнигори ОИ «Азия-Плюс» изҳор дошт, ки бӯҳрони молӣ ба баргузории интихоботи парлумонии қарибулвуқӯъ дар Тоҷикистон таъсири манфӣ мерасонад.

М.Додоҷонов мегӯяд, то интихоботи парлумонии навбатӣ ҳамагӣ 9 моҳ мӯҳлат боқӣ мондааст, вале то ҳанӯз марҳилаи фаъоли омодагӣ ба он шурӯъ нагардида ва иллати аслӣ дар он аст, ки маблағгузорӣ ба корҳои омодагӣ нокофӣ аст. «Соли 2004 вазъ тамоман дигар буд ва қонун дар бораи интихобот миёни ҷомеа муҳокима гардида, қабул шуда буд, вале феълан парлумони ҷумҳурӣ акнун ба баррасии лоиҳаи қонуни нав шурӯъ кардааст ва он нимаи моҳи май тасдиқ хоҳад шуд», - гуфт ӯ.

Роҳбари дастгоҳи комисиияи марказии интихобот афзуд, дар муқоиса бо маъракаҳои интихотии солҳои пешин созмонҳои байнулмилалӣ ва аҳзоби сиёсӣ низ он қадр фаъол нестанд ва иллати ҳамаи инро ба бӯҳрони молӣ ва вазъи молиявии онҳо марбут медонад.