Таҳти раёсати раиси палатаи поёнии парлумони ҷумҳурӣ Шукурҷон Зуҳуров ҷаласаи охирини Шӯрои Маҷлиси намояндагони Маҷлиси Олии Ҷумҳурии Тоҷикистон баргузор шуд.

Тавре ба ОИ «Азия-Плюс» аз хадамоти матбуоти палатаи поёнии парлумон хабар доданд, дар ҷаласа лоиҳаи қонун «Дар бораи ҳифзи рустаниҳо» ва ворид намудани тағйироту илова ба қонунҳои ҶТ «Дар бораи буҷети давлатии ҶТ барои соли 2011», «Дар бораи милитсия», «Дар бораи стандартикунонӣ», «Дар бораи низоми иҷозтаномадиҳӣ» ва тағйиру иловаҳо ба Кодекси андоз мавриди баррасӣ қарор гирифтаанд.

Ба иттилои манбаъ, бо қарори Шӯро тамоми масоили баррасишуда ба рӯзномаи ҷаласаи навбатии иҷлосияи сеюми МН МО ҶТ даъвати чорум, ки рӯзи 28-уми декабр доир мегардад, ворид карда шудаанд.