Дар шаҳру навоҳии ҷумҳурӣ вохӯрии вакилони палатаи поёнии парлумон бо интихобкунандагон доир мегардад.

Тавре ба ОИ «Азия-Плюс» котиби матбуотии палатаи поёнии парлумони кишвар Муҳаммадато Султонов хабар дод, вохӯриҳо мувофиқи реҷаи кории Маҷлиси намояндагони маҷлиси Олии ҶТ аз 11 то 20-уми сентябр баргузор мешаванд.

Ба гуфтаи ӯ, дар мулоқотҳои мазкур вакилон интихобкунандагони худро бо фаъолияти Маҷлиси намояндагон ва нақшаҳои кории парлумон ошно сохта, пешниҳодоти онҳо ҷиҳати ҳалли мушкилоти минтақаҳои кишварро мавриди омӯзиш қарор хоҳанд дод.

Бо натиҷагирӣ аз ин вохӯриҳо ва назардошти дархосту пешниҳодоти интихобкунандагон ҳисоботи муфассал омода гардида, он ҷиҳати баррасӣ ба ҳукумат ирсол мегардад.