Ба Кодекси оилаи Тоҷикистон тағйироту иловаҳо дар бораи манъи издивоҷ миёни хешутаборони наздик пешниҳод шуданд.
Дар мусоҳиба ба ОИ «Азия-Плюс» муаллифи ин тағйироту иловаҳо, вакили палатаи поёнии парлумони ҷумҳурӣ Саодат Амиршоева дар ин робита изҳор намуд, ки тағироту иловаҳои мазкур пеш аз ҳама ба ҳифзи генофонди миллат, солимии насли навраси ояндаи кишвар нигаронида шудаанд. «Охир ҳамагон воқифанд, ки аз оилаҳои миёни хешовандони наздик барпошуда кӯдакони маъюбу носолим ба дунё меоянд», - иброз дошт вай.
«Тақдири афгори кӯдакони нокомили аз никоҳи миёни хешовандон тавлидшуда маро водор намуд, ки ворид намудани ин тағйироту илова ба Кодески оилаи ҶТ-ро пешниҳод намоям», - таъкид дошт вакили парлумон.
Ба қавли вакил, тағйироту иловаҳои аз ҷониби ӯ пешниҳодшуда дар ҷаласаи Шӯрои МН МО ҶТ баррасӣ гардида, қарор шуд, ки аз ҳисоби вакилони парлумон, олимон ва мутахассисони Вазорати тандурустӣ оид ба омӯзиши масъалаи мазкур як гурӯҳи корӣ таъсис дода шавад.
«Гурӯҳи кории мазкур бояд дар муддати ду моҳ ин масъаларо ҳамаҷониба мавриди омӯзиш қарор дода, оид ба он хулосаҳои худро пешниҳод намояд», - изҳор кард Амиршоева.
Номбурда изҳори итминон кард, ки тағйироту иловаҳои пешниҳодкардаи ӯ мавриди дастгирии ҳукумат ва палатаҳои парлумон қарор хоҳанд гирифт.
Бозии тақдирсоз. Пагоҳ тими миллии футболи Тоҷикистон дар Ҳисор Филиппинро пешвоз мегирад
Аз ифтитоҳи чанд бинову корхона то нигаронӣ аз рушди саноат ва кори ташкилотҳои қарзӣ. Эмомалӣ Раҳмон дар Суғд кадом иншоотро ифтитоҳ кард ва чӣ гуфт?
Як соҳибкор дар Суғд барои таҷлили зодрӯзаш 117 ҳазор сомонӣ ҷарима шудааст
"Аудиокитоб" бо Субҳон Ҷалилов. Асари "Таърихи инқилоби Бухоро"-и Садриддин Айнӣ |Қисми 55
Трамп гуфтааст, ки мехоҳад нафти Эронро дар ихтиёр бигирад
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 30 марти соли 2026
Шахси калидӣ барои музокирот ё ходими содиқи низом. Муҳаммадбоқир Қолибоф кист?
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 29 марти соли 2026
Аз оғози кушторҳои пайдарпай дар Конибодом ду сол гузашт. Ангезаи кушторҳо чӣ буду гумонбарон чӣ ҷазо гирифтанд ва чанд кас кушта шуд?
Даргузашти Маҳмудхон Шоев, рӯзноманигор ва ректори пешини Донишкадаи омӯзгории Рашт
Кулли ахбор
Авторизуйтесь, пожалуйста
карими умедвор27 март, 2013 22:02
Мавзуъи матрах намудаи Саодат Амиршоева мавзуъи чолиб аст. Мунтахо бо дар назардошти матни сарихи курони карим ба сурати конунан манъ намудан аз руи ахлок намебошад. Мухолифат бо курон намудани ин пешниход равшану возих аст. Аммо агар институтхои ичтимои дар мехвари ин масала кор пеш бигиранд, ва ба мардум бо мантику бо илм мавзуъро дар миён бигузоранд , хам барои хукумат ва хам барои мардум кобили кабул мебуд. Масала масалаи лозим аст,бояд, ки руяш кор шавад. Мавзуъ бояд ба тавре бояд бошад, ки хуб ва хубтар ва нек ва нектар дар миён бошад на харгиз манъ. Чунки конуни илохи ниёз ба тагиру илова надорад. Бо мардум кор аз тарики зиёд шудани хешовандон ва ба хам омадани хонаводахои гуногун аз манотики гуногун ва истихкоми дусти байни авлодхои минтакахо боясти матрах гардад ва ин ба сурати расм дарояд хубтар мебошад, аммо на манъи конуни. Конун ки конуни Худованд аст онро ба сурати решаи ичозат дода аст ва хеч ахаде хукуки манъи онро надорад.