Президенти Тоҷикистон Эмомалӣ Раҳмон 10-уми  июл намояндаи нави Фонди байналмилалии асъор дар Тоҷикистон  Ари Айзенро, ки ба сардори давлат ҷойгузини худ – намояндаи мақомоти Фонди байналмилалии асъор дар ҶТ Айдина Биболоваро шинос намуд, қабул кард.

Бино ба иттилои хадамоти матбуотии сардори давлат, дар рафти вохӯрӣ раванди тавсеаи нишондоди иқтисодиву иҷтимоии Тоҷикистон ва дастгирии он аз ҷониби мақомоти молиявии байналмилалӣ муҳокима шуд.

Бо қаноатмандӣ қайд карда шуд, ки дар нимсолаи аввали 2013 болоравии меъёри ММД (маҷмӯйи маҳсулоти дохилӣ) дар Тоҷикистон 7,5% буда, сатҳи беқурбшавӣ дар сатҳи 1,6% қарор дорад.

Тибқи иттилои пахшшуда, иқтисоди Тоҷикистон дар дастгирии институтҳои байналмилалӣ барои аз байн бурдани оқибатҳои давомноки буҳрони иқтисодиву молиявии ҷаҳонӣ, болоравии нархи маҳсулоти нафтӣ ва хӯрока ниёз дорад.