Дар ҷаласаи имрӯзаи иҷлосияи панҷумаи МНМО ҶТ даъвати чорум бо назардошти пешниҳоди ҳукумати ҷумҳурӣ ба Кодексҳои андоз ва гумруки Тоҷикистон тағийроту илова ворид шуданд.

Зимни шарҳи тағйироти мазкур ба вакилон муовини вазири молияи Тоҷикистон Руҳулло Ҳакимов зикр кард, ки дар тағйирот озод кардани воридоти техникаи кишоварзӣ ба ҷумҳурӣ аз пардохти боҷу андоз пешниҳод мегардад.

Ӯ таъкид дошт, ки тамоми ширкатҳои воридкунандаи техникаи бахши кишоварзии ҳам ватаниву ҳам хориҷӣ аз ин пардохтҳо озод карда мешаванд.

Тибқи ҳисобу китоби ҳукумати кишвар, роҳандозии ин тадбир ба фароҳам сохтани ҷойҳои нави корӣ ва рушди бахши аграрии ҷумҳурӣ мусоидат хоҳад кард.

Ҳамчунин зикр гардид, ки воридкунандагони техникаи низомиву аслиҳа, муҳимоти ҷангӣ ва авиатсияи низомӣ низ аз пардохти андоз ва боҷи гумрукӣ озод карда мешаванд.