Ҳукумати Тоҷикистон созишномаҳо дар бораи канорагирӣ аз андозбандии дукарата ва пешгирии саркашӣ аз андозбандӣ ба даромад ва сармоя бо ҳукуматҳои Кувайт ва Тайиландро ҷиҳати тасдиқ ба палатаи поёнии парлумон ирсол намуд.

Котиби матбуотии палатаи поёнии парлумони ҷумҳурӣ Муҳаммадато Султонов ба ОИ «Азия-Плюс» дар ин робита иттилоъ дод, ки ин пешниҳоди ҳукумат аз ҷониби кумита ва  комиссияҳои дахлдори МНМО ҶТ баррасӣ ва маъқул шуморида шуда, қабули қарори ниҳоӣ дар ин бора зимни ҷаласаи рӯзи 13-уми ноябри иҷлосияи панҷуми МНМО ҶТ даъвати чорум дар назар аст.

«Тоҷикистон бо ҳукуматҳои беш аз 30 кишвари ҷаҳон чунин созишнома имзо ва тасдиқ намудааст», - зикр кард Султонов.