Бо фармони президенти мамлакат собиқ директори Дирексия оид ба сохтмони иншооти ҳукуматии Дастгоҳи иҷроияи Президенти Тоҷикистон Абдусалом Қурбонов вазири молияи Тоҷикистон таъин карда шуд. Ӯ дар ин вазифа Сафаралӣ Наҷмуддиновро иваз кард, ки муддати 14 соли ахир дар ин мансаб ифои вазифа мекард.

Бино ба иттилои хадамоти матбуоти сарвари давлат, бо фармони дигари президент Низом Ҳакимов аз мансаби вазири нақлиёти ҷумҳурӣ озод гардида, ба ин вазифа Хайрулло Асоев таъин гардид.

Қаблан сарвари давлат фармони аз вазифаи вазири корҳои хориҷии Тоҷикистон озод кардани Ҳамрохон Зарифӣ ва ба ҷойи таъин шудани намояндаи доимии Тоҷикистон дар СММ Сироҷиддин Асловро ба имзо расонид.

Ҳамин тариқ президент ҳайати нави ҳукумати ҷумҳуриро пурра таъсис дод, ки имрӯз таҳти раёсати Эмомалӣ Раҳмон ҷаласаи нахусташ баргузор мешавад.