Чанде қабл нахуствазири ҷумҳурӣ Қоҳир Расулзода бо сафари якрӯзаи корӣ аз минтақаи Кӯлоби вилояти Хатлон боздид намуд.

Тавре ба ОИ «Азия-Плюс» сармушовири хадамоти матбуоти президенти ҶТ Субҳиддин Муҳиддинов хабар дод, зимни сафар нахуствазир бо ҷараёни корҳои соҳилмустаҳкамкунӣ дар ноҳияҳои Ҳамдониву Восеъ ва шаҳри Кӯлоб аз наздик ошно гардид.

Ба гуфтаи ӯ, ҳамчунин Қоҳир Расулзода бо рафти корҳои омодагӣ ба мавсими обёрӣ ва вазъи пойгоҳҳои обкашии минтақа низ шинос шуд.

Зимнан зикр гардид, ки ҷиҳати бартараф кардани камбудиву норасоиҳои ошкоршуда нахуствазир ба роҳбарони сохторҳои дахлдор ва шахсони масъул дастуру супоришҳои мушаххас дод.