Президенти Тоҷикистон аз парлумон дархост кард, ки Зариф Ализода ба муҳлати навбатӣ Ваколатдор оид ба ҳуқуқи инсон (Омбудсмен) дар Тоҷикистон таъин карда шавад.

Тавре ба «Азия-Плюс» котиби матбуотии палатаи поёнии парлумон Муҳаммадато Султонов хабар дод, масъалаи мазкур имрӯз дар ҷаласаи Шӯрои Маҷлиси намояндагони Маҷлиси Олии ҶТ таҳти раёсати раиси палатаи поёнии парлумон Шукурҷон Зуҳуров баррасӣ шуд.

Ба гуфтаи ӯ, дар ҷаласаи Шӯро ҳамчунин лоиҳаи қонун «Дар бораи фаъолияти бонки исломӣ», лоиҳаи тағйироту илова ба қонун «Дар бораи Гвардияи миллии Ҷумҳурии Тоҷикистон», ворид намудани тағйироту илова ба Кодекси мурофиавии ҷиноятии Тоҷикистон низ баррасӣ шуданд.

«Дар ҷаласаи Шӯро масъалаи созишномаи бурсӣ (Амалиёти махсус) оид ба лоиҳаи «Дастрасӣ ба маблағгузории сабз» миёни Тоҷикистон ва Бонки осиёгии рушд низ матраҳ гардид», - гуфт манбаъ.

Дар идома зикр гардид, ки тамоми масъалаҳои дар ҷаласаи Шӯрои МНМО ҶТ баррасишуда ҷиҳати омӯзиш ба кумита ва комиссияҳои дахлдори Маҷлиси намояндагони Маҷлиси Олии ҶТ фиристода шуданд.