Раиси палатаи болоии парлумони Тоҷикистон Маҳмадсаид Убайдуллоев чанде қабл дар бораи санаи 17-уми июл даъват кардани иҷлосияи навбатии 18-уми Маҷлиси миллии Маҷлиси Олии Тоҷикистон қарор ба имзо расонид.

Ёвари раиси палатаи болоии парлумони ҷумҳурӣ Шавкат Саидов ба «Азия-Плюс» дар ин робита иттилоъ дод, ки дар иҷлосияи мазкур вакилони Маҷлиси миллӣ қонунҳои қаблан аз ҷониби палатаи поёнии парлумон тасдиқшударо баррасӣ мекунанд.

«Аъзои Маҷлиси миллии Маҷлиси Олии Тоҷикистон қонунҳо «Дар бораи Суди конститутсионӣ», «Дар бораи судҳои Тоҷикистон» ва ҳамчунин тағйироту иловаҳо ба як қатор қонунҳои кишварро баррасӣ хоҳанд кард», - зикр кард Саидов.