Нахуствазири Тоҷикистон Қоҳир Расулзода имрӯз роҳбари Маркази минтақавии СММ оид ба дипломатияи боздоранда (превентивӣ) дар Осиёи Марказӣ Мирослав Енчаро ба ҳузур пазируфт.

Сармушовири хадамоти матбуоти президенти Тоҷикистон Субҳиддин Муҳиддинов ба «Азия-Плюс» дар ин робита иттилоъ дод, ки дар вохӯрӣ масъалаҳои марбут ба таъмини амнияти минтақавӣ, рушди ҳамкории кишварҳои минтақа дар бахшҳои обу энергетика ва ҳалли мушкилот дар соҳаи нақлиёту коммуникатсия баррасӣ шуданд.

«Зикр гардид, ки СММ ва сохторҳои он ташаббусҳои Тоҷикистон оид ба сохтмони роҳҳои минтақавӣ ва роҳандозии робитаҳои нақлиётии комуникатсиониро ҳамеша дастгирӣ мекунад», - қайд кард Муҳиддинов.

Ба гуфтаи ӯ, дар ҷараёни мулоқот ҳамчунин рафти омодагиҳои Тоҷикистон ба нишасти сарони кишварҳои узви СҲШ ва дигар масоили мавриди таваҷҷуҳи тарафайн низ мавриди баррасӣ қарор гирифтаанд.