Нахуствазири Тоҷикистон Қоҳир Расулзода имрӯз дабири кулли Созмони ҷаҳони гумрук Кунио Микурияро, ки бо сафари корӣ ба Душанбе ташриф овард, ба ҳузур пазируфт.

Сармушовири хадамоти матбуоти президенти ҶТ Субҳидддин Муҳиддинов ба «Азия-Плюс» дар ин робита иттилоъ дод, ки дар мулоқот масоили марбут ба рушди муносибатҳои Тоҷикистон бо ин созмон баррасӣ шуда, ҷонибҳо аз сатҳи кунунии ҳамкориҳои дуҷониба қаонатмандӣ изҳор намуданд.

«Зимни вохӯрӣ таъкид гардид, ки аз замони узви комилҳуқуқи Созмони ҷаҳонии гумрук шудани Тоҷикистон дар соли 1997, барои густариши ҳамкориҳои тарафайн ҳукумати ҷумҳурӣ як қатор тартиботу қоидаҳоро ба иҷро расонид», - гуфт Муҳиддинов.