Ба рӯзномаи ҷаласаи иҷлосияи шашуми Маҷлиси намояндагони Маҷлиси Олии ҶТ даъвати чорум масъалаи тасдиқи Шартнома байни Тоҷикистон ва Чин оид ба экстрадитсия ворид карда шудааст.

Тавре котиби матбуотии палатаи поёнии парлумони ҷумҳурӣ Муҳаммадато Султонов хабар дод, вакилони парлумон имрӯз ҳамчунин лоиҳаи қонуни аз ҷониби ҳукумат пешниҳодшуда «Дар бораи арбитражи байналмилалии тиҷоратӣ»-ро низ баррасӣ мекунанд.

Ба иттилои манбаъ дар ҷаласаи имрӯзаи палатаи поёнии парлумон ҳамзамон баррасии масъалаҳои ворид намудани тағйироту илова ба қонунҳои ҶТ «Дар бораи мораторияи санҷишҳои фаъолияти субъектҳои соҳибкорӣ дар соҳаҳои истеҳсолӣ», «Дар бораи таъмини нафақаи шаҳрвандони ҶТ» ва ба Кодекси ҷиноятии ҶТ» низ ба нақша гирифта шудааст.