Имрӯз дар ҷаласаи навбатии иҷлосияи якуми Маҷлиси намояндагони Маҷлиси Олии Тоҷикистон даъвати панҷум тағйироту иловаи аз ҷониби ҳукумат пешниҳодшуда ба қонун «Дар бораи ҳизбҳои сиёсӣ» баррасӣ мешавад.

Ин тағйироту илова асосан ба пурзӯр шудани назорати давлатӣ аз болои маблағгузории аҳзоби сиёсӣ дар кишвар нигаронида шудааст.

Тавре ба «Азия-Плюс» котиби матбуотии палатаи поёнии парлумон Муҳаммадато Султонов хабар дод, имрӯз вакилон ҳамчунин лоиҳаи қонун «Дар бораи таъмини амнияти экологии нақлиёти автомобилӣ» ва ҳамчунин пешниҳоди Президенти Тоҷикистон Эмомалӣ Раҳмон оид ба муқаррар кардани рутбаҳои нави дипломатӣ дар Тоҷикистонро низ баррасӣ мекунанд.