Бо дастгирии Ҳукумати Ҷумҳурии Тоҷикистон ва бо мақсади такмили ихтисос 5 нафар кадрҳои ҷавони хизматчии давлатӣ ба шаҳри Остонаи Ҷумҳурии Қазоқистон сафарбар карда шуданд.

Бино ба иттилои хадамоти матбуоти Кумитаи ҷавонон, варзиш ва сайёҳии назди ҳукумати ҶТ, дар ин семинаре, ки аз 20 то 25 декабри соли равон идома меёбад кадрҳои ҷавон аз Дастгоҳи иҷроияи Президенти Ҷумҳурии Тоҷикистон, Агентии хизмати давлатии назди Президенти Ҷумҳурии Тоҷикистон ва Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон иштирок хоҳанд кард.

Мутахассисон аз рӯи мавзӯи “Принсипҳои фаъолияти иттилоотии мақомоти давлатӣ” дар Академияи идоракунии давлатии назди Президенти Ҷумҳурии Қазоқистон давоми панҷ рӯз омӯзонида мешаванд.

Лозим ба ёдоварист, ки ҳамасола барои омӯзиши таҷрибаи кишварҳои пешрафта ва баланд бардоштани самаранокии фаъолияти хизматчиени давлатӣ курсҳои такмили ихтисос ташкил карда мешаванд.

Интизор меравад, ки дар курси такмили ихтисос хизматчиени давлатӣ оид ба фаьолияти иттилоотии мақомоти давлатӣ, принсипҳои он, фаьолияти самараноки сомонаҳои мақомотӣ давлатӣ, истифодаи техника ва технологияи иттилоотӣ ва таҳияи варақаҳои матбуотии мақомоти давлатӣ таҷрибаи заруриро аз худ намоянд.