Дар ҷаласаи имрӯзаи иҷлосияи дуюми маҷлиси намояндагони Маҷлиси Олии ҶТ даъвати панҷум масъалаи тасдиқи Шартнома дар бораи минтақаи савдои озоди Иттиҳоди Давлатҳои мустақил баррасӣ мешавад.

Котиби матбуотии палатаи поёнии парлумони ҷумҳурӣ Муҳаммадато Султонов ба «Азия-Плюс» дар ин робита иттилоъ дод, ки Шартномаи мазкур санаи 18 октябри соли 2011 аз ҷониби сарони 8 кишвари узви Иттиҳод - Арманистон, Беларус, Қазоқистон, Қирғизистон, Молдова, Тоҷикистон, Русия ва Украина ба имзо расида буд.

Дар он бекор шудани боҷҳои гумрукӣ барои воридот ва ҳамчунин даст кашидан аз истифодаи тадбирҳои техникиву санитарӣ ва фитосанитарӣ ба сифати монеъаҳои савдо пешбинӣ шуда буд. Санаи 31 майи соли 2013 дар бораи истифодаи Шартнома оид ба минтақаи савдои озод миёни ҷонибҳои он ва Ӯзбекистон ба имзо расид.

Дар ҳамин ҳол, бино ба иттилои ВАО-и Русия, Думаи давлати ин кишвар дар ҷаласаи рӯзи 22 декабр дар бораи мутаваққиф сохтани амали Шартнома дар бораи минтақаи савдои озод бо Украина қонун қабул намуд.