Имрўз дар мулоқоти сарвазири мамлакат Қоҳир Расулзода бо директори минтақавии Бонки ҷаҳонӣ (БҶ) оид ба кишварҳои Осиёи Марказӣ Сароҷ Кумар Ҷҳа натиҷаҳои ҳамкории Ҳукумати Ҷумҳурии Тоҷикистон бо ин ниҳоди бузурги молиявӣ то соли 2016 ва дурнамои ин ҳамкорӣ барои солҳои оянда баррасӣ шуд.

Бино ба иттилои АМИТ «Ховар», сарвазири мамлакат ба Сароҷ Кумар Ҷҳа, ки ваколатҳояш ба ҳайси директори минтақавии Бонки ҷаҳонӣ оид ба кишварҳои Осиёи Марказӣ хотима ёфт, барои ҳамкории густурда бо Ҳукумати Ҷумҳурии Тоҷикистон дар давоми чор соли охир изҳори сипос кард.

Ҷонибҳо дар мулоқот доир ба таҳкими ҳамкорӣ дар соҳаҳои иқтисоду тиҷорат, энергетика, саноат, маориф ва тандурустӣ табодули афкор карда, омодагию ҳавасмандии худро ба густариши ҳамкорӣ дар татбиқи лоиҳаҳои хурду бузурги минтақавӣ изҳор намуданд.