Бо амри президенти Тоҷикистон бахшида ба ҷашни 25-солагии истиқлолияти давлатии ҷумҳурӣ барои муайян кардани шаҳр, ноҳия, шаҳрак, деҳот, деҳа, маҳаллаи беҳтарин, хона ва оилаи намунавӣ озмун эълон карда шуд.

Бо амри сарвари давлат барои дар сатҳи зарурӣ баргузор намудани озмун таҳти раҳбарии муовини нахуствазир Азим Иброҳим комиссия таъсис дода шуда, ба ҳайати он намояндагони дастгоҳи иҷроияи сарвари давлат ва вазорату идораҳои дахлдор шомиланд.

Озмун дар чор давра дар ноҳияҳо ва шаҳру вилоятҳо доир гардида, натиҷаҳои он 20 августи соли 2016 дар Душанбе ҷамъбаст мешаванд.

Вазорати саноат ва технологияҳои нави Ҷумҳурии Тоҷикистон вазифадор карда шудааст, ки дар якҷоягӣ бо иттифоқҳои рассомон ва дизайнерони Тоҷикистон намунаи Шоҳҷоиза, нишони хотиравӣ, шаҳодатнома ва дипломҳо барои ғолибони озмунро омода намояд.