Муовини якуми вазири корҳои хориҷии Тоҷикистон Низомиддин Зоҳидӣ рӯзи 25 май бо директори Дафтари Швейтсария оид ба ҳамкорӣ дар Тоҷикистон Питер Микула вобаста ба анҷоми фаъолияти кории ӯ дар Тоҷикистон дидору гуфтушунид кард.

Бино ба иттилои Вазорати корҳои хориҷии ҶТ, дар баробари ин, ҷониби Швейтсария директори нави Дафтари Швейтсария оид ба ҳамкорӣ хонум Валбурга Рооссро низ шинос намуд.

Гуфта мешавад, зимни вохӯрӣ раванд ва дурнамоии ҳамкориҳои дуҷонибаи Тоҷикистону Швейтсария ва дигар масъалаҳо мавриди эҳтимоми тарафайн мавриди баррасӣ қарор гирифт.

Зимнан зикр мегардад, ки Н. Зоҳидӣ ба П. Микула барои саҳмаш дар таҳкими ҳамкориҳои дуҷониба изҳори ташаккур намуда, ба фаъолияти хонум Валбурга Роосс дар Тоҷикистон комёбиҳо орзу намуд.