Дар доираи сафари корӣ ба шаҳру ноҳияҳои вилояти Суғд субҳи имрӯз Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ноҳияи Спитамен ташриф овард.

Бино ба иттилои хадамоти матбуоти сарвари давлат, Эмомалӣ Раҳмон нахуст дар расми мавриди баҳрабардорӣ қарор додани Корхонаи равғанбарории ҶДММ «Спитамен Ойл» дар ин ноҳия иштирок намуд.

Сипас дар ҳузури Президенти Ҷумҳурии Тоҷикистон корхонаи истеҳсолии ҶСП "Норд Азия Металл" дар ноҳияи Спитамен мавриди баҳрабардорӣ қарор гирифт.

Баъдан Эмомалӣ Раҳмон дар маросими ифтитоҳи бинои маъмурии Кумитаи идораи замин ва корхонаи давлатии фаръии «Бақайдгирии молу мулки ғайриманқул»-и ноҳия ширкат варзида, аз шароиту имкониятҳои фароҳамоварда шинос ва ба кори босифати сохтмончиёну лоиҳакашон баҳои баланд дод.