Президенти Тоҷикистон Эмомалӣ Раҳмон дар бораи эълон намудани Иди ангур ва Иди себ дар ҷумҳурӣ амр ба имзо расонид.

Бино ба иттилои хадамоти матбуоти сарвари давлат, мутобиқи он ҳар сол шанбеи сеюми моҳи август Иди ангур ва шанбеи сеюми моҳи сентябр Иди себ баргузор карда мешавад.

Гуфта мешавад, дар ин робита вазорату идораҳо, мақомоти иҷроияи ҳокимияти давлатии ВМКБ, вилоятҳо, шаҳри Душанбе, шаҳру ноҳияҳо вазифадор гардиданд, ки баргузории чорабиниҳоро вобаста ба идҳои мазкур дар муҳлатҳои муқарраргардида таъмин намоянд.

Қобили зикр аст, ки айни замон  дар шаҳру навоҳии гуногуни кишвар идҳои харбузаву асал гузаронида мешаванд. Вазорати кишоварзии Тоҷикистон дар ҳамдастӣ бо мақомоти шаҳрдории Душанбе имсол санаи 25 август бори нахуст дар бозори “Меҳргон” Иди кадуро баргузор мекунанд.

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.