Имрӯз, 24-уми январ, дар маҷлиси васеъи Ҳукумати Ҷумҳурии Тоҷикистон натиҷаҳои рушди иқтисодию иҷтимоии кишвар дар соли 2022 баррасӣ гардида, вазифаҳои асосӣ барои соли 2023 муайян карда шуд. Дар ин бора сомонаи президенти Тоҷикистон хабар медиҳад.
Дар оғози ҷаласа, ки таҳти роҳбарии раисиҷумҳур Эмомалӣ Раҳмон баргузор гардид, Қоҳир Расулзода, сарвазири мамлакат, ҳисобот додааст ва аз маърӯзаи ӯ бармеояд, ки соли сипаригардида аксари нишондиҳандаҳои иқтисодову иҷтимоии кишвар афзоиш ёфтаанд.
Аз ҷумла, дар ин давра, ҳаҷми маҷмӯи маҳсулоти дохилӣ ба 115,7 миллиард сомонӣ расида, сатҳи таваррум 4,2 фоизро ташкил додааст. Даромади умумии буҷети давлатӣ бошад, 36,3 миллиард сомонӣ будааст, ки нисбат ба нақша 1,3 миллиард сомонӣ зиёд мебошад.
Қоҳир Расулзода гуфтааст, ки соли 2022 дар кишвар 487 корхонаи нави саноатӣ ба истифода дода шуд. Ҳамчунин, дар ин муддат дар мамлакат 190 ҳазор ҷойи кории нав таъсис дода шуд.
Ҳамин тавр, Қоҳир Расулзода оид ба тамоми паҳлӯҳои иқтисодиву иҷтимоии мамлакат маълумот дода, зикр кардааст, ки дар умум, соли 2022 рушди босуботи давлат таъмин карда шуд.
Баъдан аъзои дигари ҳукумат ва мақомдорони давлатӣ оид ба фаъолияти ниҳоди зери тобеи худ маълумоти муфассал манзур намудаанд.
Раисиҷумҳури кишвар баъди шунидани ҳисоботҳо ба роҳбарони мақомоти давлатӣ дастуру супоришҳои мушаххас додааст.
Бояд гуфт, ки коршиносон интизор доштанд, ки дар ҷараёни ҷаласаи васеи ҳукумат тағйироти кадрӣ низ сурат мегирад, аммо бо фарқ аз интизориҳо, то ҳол ҳеҷ як тағйироти кадрӣ ба амал наомадааст.
“Самбӯсаи косагӣ”. Дар куҷо ва бо чӣ қимат метавон пайдо кард?
Мавқеи Тоҷикистон дар “Шохиси шаффофияти буҷет”-и Шабакаи байналмилалии буҷетӣ беҳтар шудааст
“Ҳуҷҷату хона надорем, куҷо худро дар қайд гузорем?”. Боздошту ҷаримаи шахсони бесарпаноҳ дар Суғд
Султон Валиев - вакили пешини парлумону раиси Ховалингу Восеъ даргузашт
Владимир Путин гуфт, робита бо Толибон зарур аст
Матвиенко муовини сарвазири Тоҷикистонро ба Форуми авруосиёии занон ба Петербург даъват кард
Дар Душанбе намояндагии Хадамоти шиносномавӣ - раводидии ВКД Русия боз шуд. Ин ба муҳоҷирони кории тоҷик чӣ медиҳад?
Дар Тоҷикистон боз раъду барқу борони сел дар назар аст
Дар Тоҷикистон 30-солагии таъсисёбии Қӯшунҳои сарҳадиро ҷашн мегиранд
“Шеъраш тасвири зебои шоирона дорад”. Дар Душанбе шаби эҷодии Кӯҳзоди Фатҳулло баргузор шуд
Кулли ахбор
Авторизуйтесь, пожалуйста