Имрӯз, 30-юми июн, Эмомалӣ Раҳмон, Президенти Тоҷикистон бо фармони худ панҷ додраси тоҷикро бо сабабҳои расидан ба синни ниҳоии дар вазифаи судя будан ва ба кори дигар гузаштан аз вазифа озод кард.

Ҳамин тавр, Гиёзода Мирзоисмон Қурбон аз вазифаи раиси суди шаҳри Душанбе, Абдуллозода Музафар Ҷафар аз вазифаи раиси суди ноҳияи Фирдавсии шаҳри Душанбе ва Ашурмамедова Маърифат Гулбековна аз вазифаи судяи суди шаҳри Душанбе бо сабаби расидан ба синни ниҳоии дар вазифаи судя будан озод карда шуданд.

Оқилзода Бахтиёр Даврон бошад аз вазифаи раиси суди вилояти Суғд ва Ҷурахонзода Масрур Ҷурахон аз вазифаи муовини раиси суди шаҳри Ҳисор бо сабаби ба кори дигар гузаштан озод карда шуданд.

Дар хусуси кори дигари Бахтиёр Оқилзода ва Масрур Ҷурахонзода маълумот дода намешавад.

Дар Telegram, Facebook, Instagram, OK ва ВК бо мо бимонед.