Раиси шаҳри Душанбе Рустами Эмомалӣ даъват кард, ки назорат дар соҳаи меъморӣ ва сохитмон дар пойтахт пурзӯр карда шавад. Дар ин бора ӯ ба муовинони худ дар иҷлосияи чордаҳуми Маҷлиси вакилони халқи шаҳри Душанбе, даъвати шашум, ки рӯзи 12 июл доир гардид, супориш дод.
Ба иттилои дафтари матбуоти шаҳрдории пойтахт, зимни суханронӣ ӯ ҳамчунин ба ислоҳи камбудиҳои ҷойдошта дар самти мавқуф гузоштан ё тӯл кашидани корҳои сохтмонии иншоотҳои соҳаи маориф, тандурустӣ, коргоҳу корхонаҳои саноатӣ, роҳҳо ва дигар иншоотҳои хизматрасонӣ ишора кард.
Ӯ ҳамчунин ҷиҳати ҷиҳати иҷрои саривақтӣ ва босифат амалӣ намудани корҳои ободонию бунёдкорӣ, ба роҳ мондани назорат аз рўи фаъолияти фармоишгарону пудратчиён дар иншоотҳо ва риояи қоидаҳои қабули онҳо дастур супоришҳо дод.
Ғайр аз ин ба сохторҳои марбута супориш дода шуд, ки дар самти пайдо ва муайян намудани сарчашмаҳои маблағгузорӣ барои лоиҳаҳои афзалиятнок дар самтҳои маорифу тандурустӣ, обу корезӣ, барқу гармидиҳӣ ва роҳу нақлиёт тамоми чораҳои дахлдорро роҳандозӣ шаванд.
Инчунин дастур дода шуд, ки доир ба ҳуқуқвайронкуниҳо дар самти худсарона ишғол намудани қитъаҳои замин, оид ба таъмини амнияти санитариву экологӣ, пешгирӣ намудани ҳолатҳои сар задани сӯхтор, таъмин намудани сифати иҷрои корҳои сохтмонӣ, иваз намудани хатҳои муҳандисии куҳнаю фарсудагаштаи обу корезӣ ва гармидиҳӣ ва ҷалб намудани сармояи мустақим ҷиҳати таҷдид намудани инфрасохтори шаҳрдорӣ, аз ҷумла дар ҳудудҳои ба шаҳри Душанбе воридгашта, чораҳои амалӣ андешида шаванд.
Раиси шаҳр ҳамчунин баҳри иҷрои саривақтӣ ва босифати нақшаи чорабиниҳо ва барномаҳои соҳавӣ ҷиҳати ба роҳ мондани вохӯриву мулоқот дар шаҳраку маҳаллаҳо оид ба пешгирии ҳолатҳои номатлуби иҷтимоӣ, бахусус ҷудошавии оилаҳо, фарҳанги бегонапарастӣ, гаравидани ҷавонон ба созмону ҳаракатҳои террористиву экстремистӣ, риоя ва таъмини иҷрои қонунҳои ҶТ «Дар бораи танзими анъана ва ҷашну маросим дар ҶТ» ва «Дар бораи масъулияти падару модар дар таълиму тарбияи фарзанд» ба масъулин дастуру супоришҳои мушаххас дод.
Масъалаи омодагӣ ба мавсими тирамоҳу зимистон низ дар канор намонд - дастур дода шуд, ки барои ҳарчи зудтар пайвасткунии бинову иншоотҳои иловагӣ ба шабакаҳои гармидиҳанда ва захира намудани маҳсулотҳои ниёзӣ аввалия баҳри фаровонии онҳо дар бозорҳо чораҳои дахлдор андешида шаванд.
Ба роҳбарони мақомотҳои ҳифзи ҳуқуқи пойтахт ва сохторҳои дахлдор дастур дода шуд, ки ҷиҳати пешгирӣ ва бартараф намудани ҳуқуқвайронкуниҳо ва таъмини амнияти шаҳрвандон, коҳиш додани содиршавии ҷиноятҳо, бартараф ва пешгирӣ намудани ҳолатҳои оворагардӣ, талбандагӣ, пешгирии ҳодисаҳои сӯхтор чораҳои қатъӣ андешанд.
Инчунин барои дар сатҳи сазовор пешвоз гирифтани 32-юмин солгарди Истиқлолияти давлатии Тоҷикистон ҷиҳати тақвияти корҳои созандагиву ободонӣ ва дар боғҳои фарҳангиву фароғатӣ баргузор намудани чорабиниҳои гуногуни фарҳангӣ баҳри фароғати сокинону меҳмонон дастурҳо дода шуданд.
“Бе ноноварони хона зиндагӣ душвор аст”. Аз қазияи пурсарусадои “ҷанҷол бо милисаҳо дар Истаравшан” як сол гузашт.
Ҷаҳон ҳамлаи охири Исроил ба Рафаҳро маҳкум кард. Нетаняҳу онро “иштибоҳи ғамангез” унвон кард
“Самбӯсаи косагӣ”. Дар куҷо ва бо чӣ қимат метавон пайдо кард?
Мавқеи Тоҷикистон дар “Шохиси шаффофияти буҷет”-и Шабакаи байналмилалии буҷетӣ беҳтар шудааст
“Ҳуҷҷату хона надорем, куҷо худро дар қайд гузорем?”. Боздошту ҷаримаи шахсони бесарпаноҳ дар Суғд
Султон Валиев - вакили пешини парлумону раиси Ховалингу Восеъ даргузашт
Владимир Путин гуфт, робита бо Толибон зарур аст
Матвиенко муовини сарвазири Тоҷикистонро ба Форуми авруосиёии занон ба Петербург даъват кард
Дар Душанбе намояндагии Хадамоти шиносномавӣ - раводидии ВКД Русия боз шуд. Ин ба муҳоҷирони кории тоҷик чӣ медиҳад?
Дар Тоҷикистон боз раъду барқу борони сел дар назар аст
Кулли ахбор
Авторизуйтесь, пожалуйста