Илҷомҷон Атоев, муовини Бег Сабур, раиси Хадамоти алоқаи Тоҷикистон ва чанде аз муовинони раиси Кумитаи дин, танзими анъана ва ҷашну маросим, Комисияи олии атестатсионӣ ё ВАК ва Маркази тадқиқоти стратегии (МТС) аз вазифа озод шудаанд.
Хадамоти матбуотии президенти Тоҷикистон хабар медиҳад, ки ҳамаи онҳо “бо сабаби гузаштан ба кори дигар” аз мансаб озод шудаанд.
Аз ҷумла,
- Ҷалолиддин Пириев аз вазифаи муовини якуми раиси Кумитаи дин, танзими анъана ва ҷашну маросими Тоҷикистон;
- Дилшод Иброҳимзода аз вазифаи муовини раиси Комиссияи олии аттестатсионии назди президент;
- Парвиз Муҳаммадзода аз вазифаи муовини директори Маркази тадқиқоти стратегии назди президент
аз вазифа озод шудаанд.
Бо фармони дигари Мумин Шарифзода, ки ректори Донишгоҳи давлатии ҳуқуқ, бизнес ва сиёсати Тоҷикистон буд, муовини раиси Комиссияи олии аттестатсионии назди президент таъин шудааст.
Маълум нест, ки ба ҷои муовинони озодшуда киҳо таъин шудаанд.
Ҳамчунин, додраси Додгоҳи ноҳияи Балҷувон Фирӯз Қодирӣ “бо хоҳиши худаш” аз вазифа озод карда шудааст.
Хадамоти президент хабар медиҳад, ки Эмомалӣ Раҳмон сардорони раёсатҳои Кумитаи давлатии амнияти миллии Тоҷикистонро аз вазифа озод ва баҷ ои онҳо “кадрҳоеро, ки аз ҳисоби ҷавонон...” таъин кардааст.
Ӯ ҳамчунин, онҳоро ба ҳузур пазируфта, “ҷиҳати такмили сатҳи забондонӣ, иҷрои вазифаҳои хизматӣ, таъмини амнияту субот ва волоияти қонун дар мамлакат дастуру супоришҳои мушаххас” додааст.
Исми онҳое ки сардорои раёсати КДАМ таъин гардиданд, ифшо намешавад.
Ёдовар мешавем, ки Эмомалӣ дар ҷаласаи Шӯрои амнияти Тоҷикистон аз фаъолияти мақомоти қудратии вилояти Хатлон сахт интиқод карда, гуфта буд, ки роҳбарони мақомоти қудратӣ,аз ҷумла мақомоти амнияти миллӣ дар вилоят ва чанде аз роҳбарони раёстаҳои онҳо дар дастгоҳи марказӣ аз вазифа озод шаванд.
Баъди ин мавҷи аз мансаб озод кардани роҳбарони мақомоти қудратии вилоят ва чанде аз роҳбарони дастгоҳи марказии ин ниҳодҳо озод шуда, ба ҷои онҳо нафарони дигар таъин шуданд.
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Пешниҳоди Рустами Эмомалиро СММ қабул кард. Акнун ҳамасола 25 май - Рӯзи ҷаҳонии футбол таҷлил мешавад
Дар пайи тирпаронӣ дар марзи Тоҷикистону Қирғизистон як омӯзгори тоҷик захмӣ шуд. Тафсилоти пурраи ҳодиса
Охири ҳафта борони шадид меборад ва раъду барқ мешавад. Огоҳии КҲФ ба сокинони кишвар
Дар радабандии кишварҳои камбизоат Тоҷикистон дар ҷойи чандум аст?
Сардори Хадамоти федеролии амнияти Русия: “Ташкилкунандаи асосии ҳамлаи террористӣ ба “Крокус Сити Ҳол” дар хориҷа аст”
Кулли ахбор
Авторизуйтесь, пожалуйста