Эмомалӣ Раҳмон, раиси ҷумҳури Тоҷикистон бо имзои як амр Убайдуллоҳ Амирҷон Маҳмадсаид, писари Маҳмадсаид Убайдуллоевро аз вазифаи мушовири калони раисҷумҳур оид ба масъалаҳои иқтисодӣ озод кард.

Сабаби ин барканорӣ “ба кори дигар гузаштан” зикр мешавад, вале то ба ҳол кори нави Амирҷон Маҳмадсаид маълум нест.

Ӯ фарзанди дуввуми шаҳрдори собиқи Душанбе Маҳмадсаид Убайдуллоев.

Амирҷон Маҳмадсаид қаблан дар Вазорати молияи Тоҷикистон кор мекард. Ӯ моҳи августи соли 2011 намояндаи Тоҷикистон дар Бонки ҷаҳонӣ ва Сандуқи байнулмилалии пул таъйин шуд.

Баъдан Амирҷон Маҳмадсаид дар вазифаи сардори раёсати молияи Дастгоҳи иҷроияи Президенти Ҷумҳурии Тоҷикистон кор кард ва соли 2019 ба вазифаи мушовири калони бахши Ёрдамчии Президенти Ҷумҳурии Тоҷикистон оид ба масъалаҳои иқтисодӣ таъин гардид.

Умед Бобозода

Ғайр аз ин, имрӯз бо фармони Эмомалӣ Раҳмон, Умед Бобозода, Ваколатдор оид ба ҳуқуқи инсон дар Ҷумҳурии Тоҷикистон ба муҳлати навбатӣ таъин карда шуд.

Умед Бобозода аз соли 2019 то инҷониб дар ин вазифа кор мекунад.

Ӯ дар гузашта 5 сол дар вазифаи мушовири раиси ҷумҳури Тоҷикистон оид ба масъалаҳои ҳуқуқӣ фаъолият кардааст.

Дар Telegram, Facebook ва Instagram бо мо бимонед.