Душанбе. 14 апрел. «Азия-Плюс» - | Нерӯҳои қудратии ҳукумат имрӯз, 14 апрел, дар қишлоқи Самсолиқи ноҳияи Нуробод ба гузарондани амалиёти махсус оғоз карданд, иттилоъ медиҳад манбаъ дар вилояти Рашт.
Ба гуфтаи манбаъ, амалиёти вижа субҳи барвақт шурӯъ шуд. Дар амалиёт техникаи ҳарбӣ,аз ҷумла чархболҳо истифода мешаванд. Дар қатори нерӯҳои қудратии ҳукумат дар амалиёт собиқ раҳбари идораи минтақавии мубориза бо ҷинояти муштараки вилояти Рашт Мирзохӯҷа Аҳмадов ва тарафдоронаш ширкат доранд, хабар дод манбаъ. «Ҳузури Мулло Абдулло дар ноҳия ҳанӯз маълум нест», афзуд ӯ.
Раҳбари дафтари матбуоти ВКД Маҳмадулло Асадуллоев хабари мазкурро рад намуда гуфт, ки дар қаламрави ноҳияи Нурободи вилояти Рашт машқҳои оперативӣ-тактикии воҳидҳои махсус гузаронда мешаванд.
Сардори дафтари матбуоти Вазорати амнияти Тоҷикистон Фариддун Маҳмадалиев низ ин хабарро таъид кард.
Ёдрас мешавем, ки тирамоҳи соли гузашта дар вилояти Рашт амалиёти вижаи боздошти ҷангҷӯёне, ки дар кушта шудани 28 сарбоз ва афсари Вазорати дифоъ муттаҳам мешаванд, гузаронда шуд. Тибқи маълумотҳои расмӣ яке аз ташкилкунандагони ҳамла Аловуддин Давлатов, машҳур чун Али Бедакӣ 4 январи соли гузашта бо як қатор ҳамраҳонаш дастгир ва кушта шуд. Дар қазия инчунин Абдулло Раҳмонов маъруф ба исми Мулло Абдулло муттаҳам дониста мешавад, ки ҳанӯз боздошт нашудааст.
Эмомалӣ Раҳмон аз фориғболиву бемасъулиятии роҳбарони муассисаҳо, роҳбарони илмӣ ва докторантҳо гуфт
КОА беасос будани фошкориҳои “Диссернет”-ро собит накард. Интиқоди дубора ва шадиди Эмомалӣ Раҳмон аз асардуздии олимони тоҷик
Боз як ширкати Чин дар МОИ “Панҷ” неругоҳи барқи офтобӣ месозад
Таҳқиқи суқути чархболи Иброҳим Раисӣ. Мақомоти Эрон гузориши дуввуми худро нашр карданд
Чанд нафар ҷудокорони тоҷик ба Олимпиадаи Париж мераванд?
Дар семоҳаи аввали соли 2024 ҳудуди 22 ҳазор хориҷиён аз Русия хориҷ шуданд
Эъдоми қариб 1200 кас дар 16 кишвари ҷаҳон
Дар як кӯчаи Душанбе ҳаракати нақлиёт барои се моҳ маҳдуд мешавад
Баъди танқиди раиси Бохтар ду масъули маркази дилхушӣ 5 шабонарӯз ҳабс шуданд
Бо ипотека дар Тоҷикистон метавон соҳиби хона шуд?
Кулли ахбор
Авторизуйтесь, пожалуйста