Дар ҷараёни баргузории тамринҳои зиддитеррористии низомӣ  дар Ҷиргатол Тоҷикистону Қирғизистон нақшаи ҳамкориҳои дуҷониба барои соли 2012-ро ба имзо расониданд.

Зери санади мазкур сардори Ситоди кулли Қувваҳои Мусаллаҳи ҶТ Рамил Надиров ва сардори Сарраёсати ситоди Қувваҳои Мусаллаҳи Қирғизистон Таалайбек Омуралиев имзо гузоштанд.

Тавре сардори хадамоти матбуоти Вазорати мудофиа ҷумҳурӣ Фаридун Маҳмадалиев хабар дод, тамринҳои низомии ҳарбиёни ду кишвар таҳти сарварии фармондеҳи нерӯҳои зудамали Қувваҳои Мусаллаҳи Тоҷикистон генерал-майор Латиф Файзиев доир гардиданд. Дар ин тамринҳо дар маҷмӯъ беш аз 600 нафар низомиёни Тоҷикистону Қирғизистон ширкат варзиданд.

Аз ҷониби Тоҷикистон дар тамринҳо гурӯҳи зудамал, воҳидҳои дигар ҷузъу томҳои Вазорати мудофиа, Вазорати корҳои дохилӣ ва нерӯҳои марзбонии КДАМ иштирок карданд.

Қирғизистонро дар тамрин гурӯҳи зудамали Вазораи мудофиаи ин кишвар намояндагӣ кард.

Субҳи имрӯз вазири мудофиаи Тоҷикистон генерал-полковник Шералӣ Хайруллоев ҷиҳати сарфароз гардонидани иштирокчиёни фаъоли тамринҳо ба Ҷиргатол омад.