Бинобар сабаби ҳамлаҳо ба сафоратҳои ИМА дар як қатор кишварҳо, намояндагии дипломатии ИМА дар Тоҷикистон аз амрикоиёни муқими ҷумҳурӣ даъват кард, ки ҳушёриро аз даст надиҳанд.

«Ҳарчанд хавфи рух додани чунин ҳодисаҳо дар Тоҷикистон вуҷуд надошта бошад ҳам, ба шаҳрвандони ИМА исроркорона тавсия дода мешавад, ки ҳушёриро аз даст надиҳанд», - таъкид шудааст дар изҳороти интишоршуда дар сомонаи сафоратхонаи ИМА дар Тоҷикистон.

Ин изҳорот дар робита ба ҳамлаи рӯзҳои 11, 12 ва 13-уми сентябри соли равон ба намояндагиҳои дипломатии ИМА дар Либияву Миср ва Яман садо дод.

Дипломатҳо тавсия медиҳанд, ки тамоми шаҳрвандони амрикоии айни замон муқими Тоҷикистон дар реҷаи он-лайн тавассути смарт-барномаи сабти сайёҳ (STEP) ё шахсан ҳангоми «Хизматгузориҳои соатӣ» (Услуги часов)-и шаҳрвандони ИМА дар шуъбаи консулгарии Душанбе худро ба қайд гузоранд.

Дар изҳорот ҳамчунин аз шаҳрвандони ИМА даъват мешавад, ки аз ҳузур дар макони баргузории намоишҳо ва чорабиниҳои бузург худро канор гиранд.

«Хоҳишмандем, аз тамоми рӯйдодҳои маҳаллӣ, атрофиёнатон ва амнияти шахсии худ ҳамеша огоҳ бошед», - омадааст дар изҳорот.