Бинои нав барои дастаи марзбонон имрӯз дар ноҳияи Ғончии вилояти Суғд мавриди истифода қарор гирифт.

Тавре ба ОИ «Азия-Плюс» сардори хадамоти матбуоти Сарраёсати нерӯҳои марзбонии КДАМ ҶТ Хушнуд Раҳматуллоев хабар дод, дар маросими мавриди баҳрабардорӣ қарор додани бинои нав раиси вилояти Суғд Қоҳир Расулзода, раиси КДАМ ҶТ Саймӯмин Ятимов ва фармондеҳи нерӯҳои марзбонии ҷумҳурӣ Шералӣ Мирзо ширкат варзиданд.

Ба гуфтаи Х.Раҳматуллоев, бинои нав барои марзбонон аз ҷониби Раёсати сохтмони Дастгоҳи иҷроияи президенти Тоҷикистон бунёд карда шуд.

Номбурда афзуд, дар бинои нав барои дастаи марзбонон дар ноҳияи Ғончӣ манзили зист барои афсарон, биноҳои истиқоматӣ барои сарбозон, ҳаммом, ҳуҷараи лисбосшӯйӣ, ошхонаи муосир ва дигар иншооти зербинои зарурӣ мавҷуданд.