Фармондеҳи ситоди нерӯҳои хушкигарди артиши Покистон генерал Ашфақ Парвиз Каёнӣ рӯзи чоршанбе, 28-уми август бо сафари серӯза ба Душанбе ташриф меорад.

Тавре ба ОИ «Азия-Плюс» сардори маркази матбуоти Вазорати мудофиаи Тоҷикистон Фаридун Маҳмадалиев хабар дод, зимни сафари генерали покистонӣ ба Тоҷикистон мулоқоти ӯ бо сарвари давлати Тоҷикистон Эмомалӣ Раҳмон ва вазири мудофиаи ҷумҳурӣ Шералӣ Хайруллоев дар назар аст.

«Дар ҷараёни гуфтушунидҳо масоили рушди ҳамкориҳои низомӣ, низомиву фаннӣ ва омодасозии кадрҳои ҳарбӣ баррасӣ хоҳанд шуд», - зикр кард Маҳмадалиев.

Ба гуфтаи ӯ, фармондеҳи нерӯҳои хушкигарди артиши Покситон ҳамчунин аз Донишкадаи низомии Тоҷикиситон боздид карда, бо сарбозону афсарони як қатор қисмҳои низомӣ мулоқот анҷом хоҳад дод.