Ҳафтаи равон муовини вазири мудофиаи Иёлоти Муттаҳидаи Амрико Майкл Викерс бо сафари нахустин ба Осиёи Марказӣ ташриф овард.

Тавре аз сафоратхонаи ИМА дар Тоҷикистон хабар доданд, дар ҷараёни сафар ӯ аз баъзе кишварҳои минтақа боздиди кӯтоҳмуддат ба амал овард.  «Дирӯз, ҳангоми сафари расмии худ ба Тоҷикистон доктор Викерс бо масъулини дахлдори ҳукумати Тоҷикистон ва Сафорати ИМА мулоқотҳо доир намуда, масъалаҳои амниятиро, ки  боиси нигаронии тарафайн мебошанд, мавриди баррасӣ қарор дод», - хабар медиҳанд аз сафорати ИМА. 

Зимнан зикр мегардад, ки Вазорати мудофиаи ИМА ба дастгирии таъмини амният ва субот дар минтақаи Осиёи Марказӣ омода аст.