Рамазон Раҳимов, вазири корҳои дохилии Тоҷикистон, аз ҳайати шахсии худ қатъиян талаб намудааст, ки ба рафти интихобот, ки 6-уми ноябр таъйин шудааст, дахолат накунанд.

Тавре сомонаи расмии вазорат хабар медиҳад, роҳбарияти вазорат ба ҳайати шахсии мақомоти корҳои дохилӣ дастуру супоришҳои мушаххас дода, аз онҳо қатъиян талаб намуд, ки ба рафти интихобот, ҷамъоварии имзо, ташвиқу тарғиботи номзадҳо дахолат накарда, мутобиқи қонунгузории Тоҷикистон ва дигар санадҳои меъёрии ҳуқуқӣ фаъолияти худро ба роҳ монда, дар ҳолатҳои зарурӣ вобаста ба баргузории чорабиниҳои мазкур мусоидат намоянд.

Манбаъ хабар медиҳад, ки кормандон бояд ҳифзи тартиботи чамъиятӣ ва амнияти шаҳрвандонро таъмин намуда, ба онҳо кӯмаки худро дареғ надоранд. Ба ҷомеаи шаҳрвандӣ бодиққатона ва дар сатҳи баланди маданӣ муносибат намуда, боэҳтиром ва хушмуомила бошанд.